KDE Plasma 5.14 Beta: Reliable, Light and Innovative.

Thursday, 13 September 2018

Today KDE launches the beta release of Plasma 5.14.

Plasma é o escritorio de Linux lixeiro e completo. Durante os últimos tres meses estivemos engadindo funcionalidades e corrixindo fallos e agora convidámoslle a probar a beta pre-publicación de Plasma 5.14.

Traballamos a reo en mellorar Discover, o xestor de software de Plasma, e entre outras cousas engadimos a funcionalidade de actualización de firmware e moitas melloras sutís da interface de usuario para que funcione de maneira máis fluída. Tamén reescribimos moitos dos efectos do noso xestor de xanelas, KWin, e mellorámolo para que as animacións rendan mellor no seu día a día. Entre o resto de melloras que fixemos hai un novo trebello de configuración da pantalla que pode resultar útil ao facer presentacións.

Próbeo e envíenos informes de fallo e opinións. A versión final publicarase en tres semanas.

Novo en Plasma 5.14 Beta

Novas funcionalidades

• Hai un novo trebello de configuración de pantalla para a xestión das pantallas, útil para presentacións.
• Agora o trebello de volume de son ten unha funcionalidade de proba de altofalante integrada que se retirou da configuración de Phonon.
• O trebello de rede agora volve funcionar para túneles de VPN de SSH.
• Agora o cambio de monitor principal ao conectar ou desconectar monitores é máis suave.
• A pantalla de bloqueo xestiona o cambio de usuario con maior facilidade e seguridade.
• Agora pode importar ficheiros cifrados existentes desde unha caixa forte de Plasma.
• O xestor de tarefas mellora a compatibilidade con LibreOffice.

• O monitor do sistema ten un menú de «Ferramentas» cheo de iniciadores de ferramentas útiles.
• Agora o menú de aplicacións Kickoff cambia de separador automaticamente ao cubrilos.

• Iconas consistentes para os trebellos e paneis e melloras da interface de usuario.

• Agora Plasma avisa ao saír cando outros usuarios teñen a sesión aberta.
• Melloráronse as sombras do tema de trebellos Breeze.
• Agora o menú global é compatíbel con aplicacións GTK. Isto era unha «vista previa de tecnoloxía» en 5.13, pero agora funciona sen máis en 5.14.

Plasma Discover

Discover, a noso instalador de software e complementos, ten máis funcionalidades e mellora a súa aparencia e comportamento.

• Discover é compatíbel con fwupd, o que lle permite anovar o firmware do computador.
• Agora permite canles de Snap.
• Agora Discover pode amosar e ordenar aplicacións por data de publicación.
• Agora pode ver as dependencias dos paquetes das aplicacións.
• Cando a Discover se lle solicita instalar un ficheiro independente de Flatpak pero a infraestrutura de Flatpak non está instalada, agora ofrece instalar antes a infraestrutura por vostede.
• Agora Discover indícalle cando unha actualización de paquete substituirá algúns paquetes por outros.
• Engadimos moitas pequenas melloras de interface de usuario: os botóns de actualización desactívanse mentres se comproba se hai actualizacións dispoñíbeis, hai unha consistencia visual entre a configuración e as páxinas de actualizacións, as actualizacións ordénanse por porcentaxe de completado, melloramos a sección de recensións do trebello de notificador de actualizacións, etc.
• Melloramos a fiabilidade e estabilidade mediante varias correccións de fallos.

KWin e Wayland:

• Corriximos o copia e pega entre aplicacións GTK e non GTK en Wayland.
• Corriximos os selectores de tarefas non centrados en Wayland.
• Melloramos as restricións de punteiros.
• Hai dúas interfaces novas, XdgShell e XdgOutput, para integrar máis aplicacións co escritorio.
• Melloramos e pulimos os efectos de KWin en xeral, incluíndo reescribir completamente o efecto de «Escurecer as inactivas», engadir un novo efecto de escala, reescribir o efecto de «Deslizamento» e máis.

Arranxos de erros

Solucionamos moitos fallos, entre eles:

• Os fondos borrosos tras menús contextuais de escritorio xa non están visualmente corrompidos.
• Xa non se pode arrastrar accidentalmente botóns do xestor de tarefas ás xanelas das aplicacións.