KDE por Sciencistoj
Por Sciencistoj Uzantaj KDE-Aplikojn.
LabPlot - Scienca diagramado kaj datuma analizo
LabPlot estas profesia libera kaj malfermkoda programo por datumsciencistoj. Ĝi provizas altkvalitan datuman bildigon kaj diagramadon per malmultaj klakoj. Ĝi estas fidinda kaj facila datuma analizo kaj statistika ilo, kiu ne bezonas kodigon.
Cantor
Cantor estas aplikaĵo, kiu ebligas al vi uzi vian plej ŝatatan matematikan programlingvon de ene de facile uzebla laborfolio-interfaco.
Nuntempe, Cantor subtenas 10 backends: Julia, KAlgebra, Lua, Maxima, Octave, Python, Qalculate, R, Sage kaj Scilab.
Riĉa komanda prilaborado
Cantor ebligas al vi ruli komandojn de via plej ŝatata matematika programlingvo helpata de sintaksa reliefigo kaj klapeta kompletigo por funkcioj, rezervitaj vortoj kaj variabloj. Vidu la eliron de via laboro rekte en la laborfolio aŭ eksportu al PDF, LaTeX, klarteksto, kaj Jupyter kajeroj!
Rapida administrado de variabloj
Administru ĉiujn viajn variablojn de la enkonstruita flanka panelo. Vidu la valorojn, grandecon kaj specon de variabloj uzataj en la medio per unu ekrigardo. Krome, eblas ŝanĝi la variablojn valorojn de la flanka panelo.
Funkciigita de Plasma
ALBA Sinkrotrono en Barcelono, Hispanio
Plasma funkcias per la komputiloj en unu el la plej grandaj esplorinstalaĵoj de Eŭropo, kiu funkciigas la plimulton de mastrumaj labortabloj.
Nuntempe, la stirĉambro rulas Debian 9 kun Plasma. Preskaŭ ĉio en la sekcio de regiloj funkciigas Linukson.
Ni estas scienca paperfabriko, do ni uzas Kile kaj Okular la tutan tempon. En la sekcio de regiloj, ni sufiĉe ofte uzas Kate kaj KWrite. Kompreneble, estas ankaŭ la Emakso-uloj kaj la Vim-uzantoj...
Legu la plenan intervjuon en la retejo de KDE News
NASA Stirĉambro
NASA uzadas KDE ekde la fruaj tagoj. La suba bildo estas foto el la dokumenta filmo "Goodnight Oppy" (disponebla ĉe Amazon Prime). Vi povas vidi NASA-inĝenierojn uzante KDE 3 dum la alteriĝo de Spirit Mars rover en 2003.
... Kaj NASA daŭre uzas KDE ĝis hodiaŭ. En ĉi tiu bildo ni vidas KDE 4.10 uzata en la NASA-mastrumejo dum la fluo de InSight alteriĝanta sur Marson.
Spaca Geodezia Instalaĵo de NERC
La instalaĵo pafas laserojn ĉe satelitoj por kontroli ilian pozicion al alta grado da precizeco. Sciencistoj uzas ampleksan gamon de KDE-programaroj sur siaj laborstacioj, inkluzive de Plasma kaj Konsole. (Fonto)
Observatorio LIGO Hanford
KDE 4 ĉe LIGO (Laser Interferometer Gravitational-Wave Observatory) Hanford Observatory. (Fonto)
RKWard
RKWard estas facile uzebla kaj facile etendebla IDE/GUI por R.
Trajtoj
- Kalkulo-simila datuma redaktilo
- Sintakso reliefigo, kodo faldado kaj kodo kompletigo
- Importado de datumoj (ekz. SPSS, Stata kaj CSV)
- Diagrama antaŭrigardo kaj foliumebla historio
- R-pakaĵadministrado
- Laborspaca retumilo
- GUI-dialogoj por ĉiaj statistikoj kaj diagramoj
KStars
KStars estas libere licencita, malfermkoda, plurplatforma Astronomia Programaro kreita de KDE.
KStars disponigas precizan grafikan simuladon de la nokta ĉielo de iu ajn loko sur la Tero, kaj en ajna dato kaj horo. La ekrano inkluzivas ĝis 100 milionojn da steloj, 13,000 profundĉielajn objektojn, ĉiujn 8 planedojn, la Sunon kaj Lunon, kaj milojn da kometoj, asteroidoj, supernovaoj kaj satelitoj.
Por studentoj kaj instruistoj, ĝi subtenas alĝustigeblajn simuladrapidecojn por vidi fenomenojn kiuj okazas laŭ longaj temposkaloj, la KStars Astrokalkulilo por antaŭdiri konjunkciojn, kaj multajn oftajn astronomiajn kalkulojn.
Por ŝatantoj de astronomio, ĝi venas kun datumbazo de komune haveblaj teleskopoj kaj la kapablo mastrumi vian ilaron rekte de ene de la programo.
Kile
Kile estas amika redaktilo TeX/LaTeX, kiu kompilas, konvertas kaj montras vian dokumenton per unu klako. Ĝi estas optimumigita por verki (La)Tex-dokumentojn kaj aŭtomate-kompletigajn (La)TeX-komandojn.
Navigado ankaŭ estas facila, ĉar Kile konstruas liston de ĉiuj ĉapitroj en via dokumento kaj poste permesas uzi la liston por salti al la responda sekcio.
Vi ankaŭ povas klaki en la spektilo kaj salti al la responda LaTeX-linio en la redaktilo, aŭ salti de la redaktilo al la responda paĝo en la spektilo.
KBibTex
KBibTeX estas referencadministra aplikaĵo, kiu povas esti uzata por kolekti TeX/LaTeX-bibliografiojn kaj eksporti ilin en diversaj formatoj. Ĝi disponigas integriĝon kun Kile kaj LyX.
KBibText subtenas importi datumojn de diversaj bibliografiaj dosierformatoj kiel BibTeX, RIS kaj ISI, kaj eksporti datumojn al PDF, PostScript, RTF kaj HTML. Aldone, KBibTex serĉas bibliografiajn enskribojn en interretaj datumbazoj (ekz. Google Scholar, ACM, IEEE, arXiv, ktp.).
Aliaj malfermkodaj aplikoj por vi
Jen pli da aplikoj de aliaj malfermfontaj organizoj por kompletigi vian laborfluon. Rigardu ankaŭ niajn aplikojn rilatajn al edukado.
