KDE • Community • Announcements
DOE (Por que?)
paypal

KDE publica a versión 4.14.1 dos aplicativos e a plataforma

Tamén dispoñíbel en:

English | Català | Deutsch | Español | Galician | Hungarian | Italiano | Nederlands | Polski | Português | Português brasileiro | Svenska | Українська

16 de setembro de 2014. Hoxe KDE publicou actualizacións dos seus aplicativos e a súa plataforma de desenvolvemento, as primeiras dunha serie de actualizacións mensuais de estabilización para a serie 4.14. Esta versión só contén correccións e actualizacións de traducións, polo que se trata dunha actualización segura e agradábel para todo o mundo.

Entre as máis de 50 correccións rexistradas están melloras para a colección de xestión de información persoal Kontact, o modelador de UML Umbrello, o visor de documentos Okular, o aplicativo para aprender vocabulario Parley e o xestor de ficheiros Dolphin.

Pode consultar unha lista de cambios máis completa no sistema de seguimento de erros de KDE.

Esta versión tamén inclúe a versión 4.11.12 dos espazos de traballo de Plasma.

Para descargar o código fonte ou paquetes para instalar vaia á páxina de información de 4.14.1. Se quere saber máis sobre as versións 4.14 dos aplicativos e da plataforma de desenvolvemento de KDE, consulte as notas de publicación de 4.14.

O software de KDE, incluíndo todas as bibliotecas e aplicativos, está dispoñíbel gratuitamente baixo licenzas de código aberto. O software de KDE pode obterse como código fonte e varios formatos binarios desde http://download.kde.org ou de calquera dos sistemas GNU/Linux e UNIX principais que se ofrecen a día de hoxe.

Apoiar KDE

KDE é unha comunidade de software libre que existe e medra grazas á axuda de moitos voluntarios que doan o seu tempo e esforzo. KDE busca sempre novos voluntarios e colaboradores, xa sexa programando, corrixindo fallos ou informando deles, escribindo documentación, traducións, promoción, cartos, etc. Todas as contribucións se agradecen e acéptanse de boa gana. Consulte a páxina de doazóns para máis información ou convértase nun membro colaborador de KDE e.V. a través da nosa nova iniciativa Join the Game.

Instalar os paquetes binarios de 4.14.1

Paquetes. Algúns fabricantes de sistemas operativos Linux e UNIX teñen a xenerosidade de fornecer paquetes binarios de 4.14.1 para algunhas versións das súas distribucións, e noutros casos o traballo fixérono voluntarios das súas comunidades. Nas próximas semanas poderían publicarse paquetes binarios adicionais e actualizacións dos paquetes xa dispoñíbeis.

Lugares dos paquetes. Para unha lista actual de paquetes binarios dispoñíbeis dos que o proxecto KDE ten coñecemento, visite a páxina de información de 4.14.1.

Compilar 4.14.1

O código fonte completo de 4.14.1 pode descargarse libremente. Na páxina de información de 4.14.1 están dispoñíbeis as instrucións para compilar e instalar 4.14.1.

Sobre KDE

KDE é un equipo internacional de tecnoloxía que crea software libre e de código aberto para o escritorio e computadoras portátiles. Entre os produtos de KDE hai un sistema de escritorio moderno para Linux e plataformas UNIX, coleccións de software de produtividade na oficina e traballo en grupos e centos de títulos de software de moitas categorías como internet e aplicativos web, multimedia, entretemento, educación, gráficos e desenvolvemento de software. O software de KDE está traducido a máis de 60 idiomas e está construído para ser fácil de usar e tendo en conta os principios de accesibilidade modernos. Os potentes aplicativos de KDE execútanse de maneira nativa en Linux, BSD, Solaris, Windows e Mac OS X.


Notas de marca rexistrada. Os logos de KDE® e o K Desktop Environment® son marcas rexistradas de KDE e.V. Linux é unha marca rexistrada de Linus Torvalds. UNIX é unha marca rexistrada de The Open Group nos Estados Unidos e outros países. O resto de marcas e dereitos de copia aos que se fai referencia neste anuncio son propiedade dos seus respectivos propietarios.


Contactos de prensa

Para máis información envíenos unha mensaxe de correo electrónico:
press@kde.org

Ligazóns de navegación globais